Kasal, Bakasakali, Saklolo (not a film review) 14 Jan 08

April 18, 2008
January 24, 2009
August 8, 2009

Ito ang mga pinakaimportanteng dates sa buhay ng mga friends ko. Ito ang dates ng mga kasal nila—kina Marianne, Grace at Sheridan, respectively.

Alam ko na noon pa na may dates na sina Marz at She. Ang nakakagulat ay ang kay Grace. Hindi ko alam na may nakatakda na siyang date. Age nila pagkakasal, 26-27. I’m not totally clueless naman. I was with them nung mag-propose si Rez kay Grace sa Bora. Pero nabigla lang ako dahil ikakasal na rin siya next year.

Bumisita ako kay Izay kanina. Izay is a friend from elementary and highschool. Chikahan to the max kami habang kumakain ako sa fiesta handaan. Isa ko pang pakay ay para magtanong kay Nanay kung magkano magpagawa ng wedding ring (para kina Grace). Nalaman ko sa kanya na ikakasal na rin pala si Mitzelle, a classmate from elem-HS. Kakakita ko nga lang ngayon ng mga pix sa Multiply ng pamamanhikan ng bf nito. Ilan din pala sa mga classmates namin ay ikinasal o may anak na. Sina Meme, Dante, Helen, Escolin.

Hindi ko maintindihan ang sarili ko. Para akong nape-pressure na kung ano. Inggit ba ‘to? Lahat kasi ng mga tao around me nag-aasawahan at nagpo-populate na ng mundo. Ako, walang boyfriend, walang manliligaw, walang excitement with regards to matters of the heart. Para akong bubot na nagsisimula pa lang mamukadkad, habang ang lahat ay bukang-buka na at pinagpipipitas na.

Ano bang diperensya? Puro ba ‘ko career? Kulang ba sa edge ang personality ko? Wala ba ‘kong ganda? Masyado na ba akong mataba at wala man lang sumusulyap sa kagandahan kong taglay?

Magdi-date kami ni She bukas. Magpapasama na rin ako sa kanya na bumili ng cellphone. Siya, magpapasama sa ‘kin para bumili ng pregnancy test kit. Weird, magkaibang-magkaiba na ang concerns namin—nasa magkabilang dulo ng social spectrum ng tao. It says a lot about our status in life. Nakakatawa. Nalulungkot ako.

Don’t get me wrong. Ayoko pang mamuhay na may asawa. I know, I’m not ready yet, financially, emotionally, psychologically, lahat ng may –lly. Pero sana man lang, habang uma-attend ako sa mga receptions, meron akong kasama na makakatabi ko, makakahagikhikan ko, at malalambing ko, and vice versa. Di puro na lang upos ng yosi ko.

* * *

Ano ba?! Countdown sa HBO ang Hollywood’s 10 best weddings! Timing na timing naman. Bad trip!

Sa My Bestfriend’s Wedding pala, may usapan ang mag-bestfriend na magpapakasal sila pag hindi pa nakakahanap ng partner by the age of 28. Yey! Wala pa ‘kong 28. May 2 years pa naman pala! Hahaha!