Sabi kay She ni KC:
"Gusto kong makita si Eden na makasal... Masaya siguro... Kwelang-kwela..."
Ba't kaya niya nasabi 'yon? Di naman kami laging magkasama nung college para masabi niya 'yon. Di rin kami close, kabatian lang. Pero parang hindi naman kami masyadong nagchichikahan noon. Ba't kaya?
At anong ibig sabihin ng kwelang-kwela? As in Iskul Bukol? Skwelang kwela 'to, dito enjoy ako...
SI BAKLUSH
Nakakatuwa pa lang makadiskubre ng sikretong napaglipasan na ng panahon.
Ang buhay ko nung college ay para ring nung highschool. May mga barkada, may mga mean girls, may mga nerdy girls, at may mga boylets. Ang difference, konti ang boys na pagpipilian kesa nung highschool. Siguro trend na ito sa course na napili ko. Ang population ng boys noon ay namimiligro pa dahil sa invasion ng mga bading. Kaya may question mark sa noo lahat ng boys sa college ko.
Syempre pa, di ako pahuhuli sa pagkakaroon ng crush. Si Leonard ang crush ko noon. Pero no pansin ako sa kanya. Pano, ang trip niyang ligawan ay yung mga maiingay na girls sa kabilang room, mga Broadcasting. So crushing in silence ang drama ko noon.
Kasundo ko naman lahat ng boys sa room, all 10 of them. Kabiruan at kabungisngisan ganon. Pero di kami masyadong nakakapag-chikahan ng seryosohan. Kaya nga nagulat ako nung, lately, nagkachikahan sa text sina She, my friend, at KC, one of the boys. Si KC ang isa sa mga cuties—chinito siya. Kaso di namin siya nakasabay gumraduate dahil naging aktibista siya, na naging kaso rin ng most of the boys sa major ko. Alam naman natin na pag aktibista ata ay kailangang humaba ang tenure sa school. Anyway, di ko alam kung may balak pang gumraduate si KC pero nagtatrabaho na siya sa isang call center. May plano na rin siyang lumagay sa tahimik with her current girlfriend (good for him). Anyway, dahil napapag-usapan na rin nila ni She ang pag-aasawa, dahil may asawa na rin si She at due na manganak sa August, di ko alam basta napunta sa ‘kin ang usapan. Tapos nasabi nga ni KC 'yon.
Gulat ako. San galing ‘yon? Sabi ni She, bigla na lang daw ‘yon tinext ni KC. Out of the blue. Bakit? At ba’t niya nasabing magiging masaya ang kasal ko, at take note, kwelang-kwela pa? Na-weirduhan ako sa sinabi/prediction niya.
Ang huli kong encounter kay KC after college ay sa Friendster. Nag-message ako sa kanya about me planning a reunion for our batch. Tapos nag-reply siya ng “gusto ko tayong dalawa na lang…” Di ko na maalala kung anong ni-reply ko sa kanya pero parang na-cool-an siya sa ‘kin dahil sa reply ko. Di raw kasi ako pikon.
So dahil ba dun kaya niya nasabi ang prediction niya? Cool ako kaya kwela ang magiging kasal ko? Di ako maarte at parang one of the boys pa nga. Kaya ba niya ‘yon nasabi? Narinig ko na rin kay Carla, a blockmate din, ang comment na ‘yun, na cool nga ako. Pero di ko naman alam kung bakit ako cool. Di kami gaanong nagchihikahan ni KC nung college. Nagkakabiruan kami, oo, pero parang ganon lang. So question pa rin sa ‘kin kung ba’t niya nasabi ‘yon.
O baka gusto ko lang mag-solicit sa inyo ng comments kung paano ba talaga ako naging cool. Hehehe!
Actually, ‘yon lang talaga ang gusto kong malaman—kung ano ang cool sa ‘kin.
Narcissist?!
MGA SIKRETONG MALUFEEEET
Isa pang secret. Nalaman ko kung sino’ng may crush sa ‘kin nung college. Syempre, dahil sa tulong ni She, ang aking super-reliable na chikadora-friend. Ayon kay KC, may crush daw sa ‘kin si… Spork! Ang sabi pa niya, “malakas ang tama” nito sa ‘kin, di ko lang daw pinapansin. Sobrang di ko inaasahan ‘to. Malay ko ba naman e ang crush ko ay si Leonard na super-friend niya. Kabiruan ko si Spork noon at kaasaran. Pinapa-ring niya ang cel ko pag madaling araw para istorbohin ako sa pagtulog dahil taga-Bulacan pa ‘ko at kailangan kong maagang magising para bumyahe papasok ng school. Hanga ako ditong maggitara. Galing! Tapos hanga rin ako sa pagsusulat nito dahil nabasa ko ‘yung Friendster blog niya at pinagkalat ko kina Bern na magaling ito magsulat. Di ko alam na napaka-dense ko pala noon at di ko nahalata. O busy lang ako sa pagtingin kay Leonard kaya di ko siya nakita.
Hindi sa nanghihinayang ako na sana siya na lang ang naging crush ko para exciting naman ang college life ko. Sige na nga, nanghihinayang ako dahil sana siya na lang at hindi si Leonard ang naging crush ko. I guess, pwedeng sisihin dito ang pagiging mahilig ko sa gwapo.
O meron lang talaga akong malambot na puso para sa mga nagkaka-crush sa ‘kin. Alam ko kasi na excellent ang taste nila sa girls. Hehehe!
COLLEGE ULTIMATE CRUSH
Si Leonard naman na ultimate crush ko nung college, meron ding kwento (the best talaga si She). Chika ni KC, nega talaga ako kay Leonard dati, dahil nga sa iba nakatingin ang damuhong ‘to. Nung gumraduate na kami, saka lang niya ‘ko napansin. Anubanamanyan! Kung kailan wala na ‘ko sa school, saka niya lang ako nakita. Ano ‘yun, gumanda lang ako nung huli na? Anyway, nagkaroon na rin ng sagot ang tanong sa utak ko. After college kasi, pumupunta-punta rito sa bahay si Leonard para lang makipagkwentuhan. Ako naman si dense, di ko in-assume na panliligaw na ‘yon. E ‘yun na nga pala talaga ‘ko. Tapos pa, hinihimok ako nito na mag-change ng religion—‘yung religion niya na kay Bro. Eli. E di ko naman trip ‘yung ganon. Sabi nila Bern, baka ‘yun daw siguro ang way ni Leonard to get close. Nyak! Hanggang sa hindi na siya nagparamdam. Ako rin kasi, pinagtaguan ko siya.
Sorry. Hehe! Na-bore kasi ako sa’yo. ‘Tsaka di ko trip ‘yung mga beliefs mo, di lang sa religion ha, kundi sa iba pang mga bagay, like dreams, career goals and the like. Kaya ayun, sinasabi nila Papa wala ako kahit andito lang talaga ako.
Ngayon, married with a kid na si Leonard. Di ko na rin siya crush ngayon kahit pa ayon kay KC ay nadisgrasya niya lang ‘yung girl kaya pinakasalan. Ganon pala talaga, pag nakikilala mo talaga ang tao, nag-iiba ang perception mo sa kanya. Laging ganito ang kaso ko sa mga crush ko, pag nakilala ko na sila sa mas personal na level, nagbabago ang isip ko. Madaya ba? E ganon talaga e.
PUPPY LOVE?
Anyway, sa wakas, inamin na ni KC na crush niya si She dati. Pano ba naman, crush na crush siya ni She noon. Siya pa nga ang unang crush ni always reliable chikadora nung college. Kaso daw, di daw siya nanligaw kasi marami raw magagalit. Ewan ko kung maraming magagalit sa kanya o kay She. Ang magulo naman sa mga revelation niya, di raw niya alam na nanligaw si Mic kay She. Kasi, sabi raw ni Mic kay She, nagpaalam pa raw ito kay KC para manligaw. Ano ‘yun? Anlabo, di ba? Sino ang nagsisinungaling? Well, basted naman si crush ANG bayan kay She e, so wala na sigurong kaso kung di siya naging honest. Hehe!
No comments:
Post a Comment