Ngayon na lang uli ako napadpad ng Greenbelt

Mineet ko si Marianne last Thursday sa Greenbelt. Meeting place namin, as usual, Powerbooks.

Iba na pala (ng konti) ang Greenbelt. Naputol ang overpass na may escalator na nasa gilid ng Landmark. Napunta na siya sa harap ng Landmark, tapat ng Tower Records ata yun. In short, umiksi ang overpass. Pero dedma kahit pawisan. Excited naman ako makita si Marianne. Sobrang tagal na naming di nagkikita. Di ko na maalala yung last time. Parang nung dati pang pinakilala niya sa 'kin si Glenn. Tapos ngayon ikakasal na sila. Kaya kami magmi-meet e para ibigay niya sa 'kin ang invitation para sa kasal nila na sa Naga gagawin. Kung may kasama lang ako papuntang Naga, pupunta sana 'ko. Kay Aprillette nga na sa Quezon ginanap ang kasal, at si Cot na sa San Jose Del Monte pa, naka-attend ako. Pero may kasama 'ko, si Adz at Nympha. Nasan kaya yung dalawang yon? Sila kaya ayain ko? Na-guilty na naman ako kasi di ako naka-attend sa civil wedding ni She na pari ang nag-officiate. Alam ko naman naintindihan niya kung bakit. Dumaan kasi ako sa isang mabigat na sitwasyon nun. Di bale, bawi ako sa kanya sa church wedding. April 18 ang kasal ni Marz.

Nag-dinner kaming tatlo, kasama si Glenn, sa Oody's. Syempre, healthy food ang nilafang namin. Di nawala ang tokwa sa course, tapos pritong hito at kangkong. Masarap naman. Sabi ni Marz, kung sure sana 'kong pupunta, may role sana ko sa kasal niya. Si Mama nga rin (Tita Joey), gusto niya kuning ninang. Kaso dahil di rin siguradong makakapunta, at kukuha pa ng proxy, iba na lang ang kinuha. Kaya nga pala "Tita Joey" kasi niloko namin ni Mama dati si Marz. Txtm8s sila noon at ito ang alyas ni Mama, "Joey". Hehehe!

Napagkatuwaan namin pumose ng ganito ni Glenn---Koreans kuno, kahit Thai cuisine ang Oody's. Hehehe!

Nakakatuwa silang mag-jowa. Laging nagjo-joke si Glenn, at kahit corny, bentang-benta ito kay Marz na napakabungisngis. May bahay na pala sila sa tahimik daw na part ng Makati. Dalaw daw ako sa kanila minsan.

Natanong ko, "mag-aanak na ba kayo agad?" Sagot nila, "pag sinipag..." Nice one.